АНУ-ын Тагнуулын ерөнхий газар хиймэл дагуулын дүрс ашиглан Хойд Солонгосын цөмийн туршилт явуулж болзошгүй бүсүүдэд тандалт хийх үед нэгэн сонирхолтой дүрс олж харжээ. Тодруулбал, цөмийн туршилт хийж магадгүй талбайд Хойд Солонгосын цэргүүд гар бөмбөг тоглож байсан нь хиймэл дагуулаас буулгасан дүрсэнд маш тод буусан гэнэ. Сүүлийн өдрүүдэд АНУ-ын хиймэл дагуулын бүхий л зураглалуудыг Хойд Солонгосын цөмийн бөмбөг туршиж болзошгүй бүсүүдэд чиглүүлээд байгаа. Энэ нь Солонгосын хойгт үүссэн улстөрийн хурцадмал байдалтай холбоотой юм. Гэтэл зогсолтгүй ажиллаж байх ёстой Punggye-Ri цөмийн туршилтын талбайд цэргүүд гар бөмбөг тоглож байгааг хараад гайхаж хоцорсон байна. Шинжээчид тус үйл явдлыг магадгүй “Хууран мэхлэх төлөвлөгөө”-ний нэг хэсэг байж болзошгүй гэж сэжиглэж буй юм.Ойрын өдрүүдэд Хойд Солонгос зургаа дахь удаагийн цөмийн туршилтаа хийж магадгүй нь хөрш зэргэлдээ орнуудад түгшүүр төрүүлээд байгаа билээ.
No Comments